Ivar Tveiten

Ivar Tveiten

Foto: Fra Ljos over Telemark : eit attersyn. (Olav Stranna,1937. ).

Ivar Tveiten på Tveiten vestre.

Foto: Bendik Taraldlien, 1931

Gravminne på Veum kyrkjegard.

Foto: Olav Momrak-Haugan, 2011

Ivar Tveiten var fødd på garden Veum i Veum anneks i Fyresdal 18. desember 1850. Han kom så til garden Tveiten i Liegrend i same anneks som 11-åring, og dette vart ungdomsheimen hans. Han tok eksamen ved Kviteseid lærarskule i 1868 og var lærar 1868-1883. Han overtok farsgarden Tveiten vestre Gnr. 88/2 i 1879. Tveiten hadde mange verv:

• Han var formann og disponent i Fyresdals forbruksforeining 1871-1899. Dette handelslaget vart vel kjend i vide krinsar for god drift. Seinare vart han forretningsførar i den nye Veum forbruksforeining. Han var heradskasserar eit par år, formann i skulestyret og med i heradsstyret i fleire år.

• Han var sparebankdirektør i fleire år og medlem av forstandarskapet i Fyresdal sparebank.

• Han var stortingsmann for Telemark 1903-1924. I stortinget var han varapresident 1916 og president 1917 – 1920 og formann i presidentskapet 1920.

• Han var statsråd (kyrkjeminister) 1924 – 1926. Ei tid var han formann i stortingets upolitiske bondelag.

Ivar Tveiten var dessutan i om lag 13 år lærar i Fardal, Vikstrand og Borggrends krinsar i Fyresdal og sa sjølv at denne tida var mellom dei lukkelegaste år han hadde hatt. Han døde i 1934.

Det er eit fotografi av han på Tveiten 12. juni 1931, teke av Bendik Taraldlien.

Kjelder

• Taraldlien, Bendik: Fyresdal Andre utgåva 1949. Alb. Cammermeyers forlag. Oslo.
• Marvik, Steinar: Fyresdal. Gards- og ættesoge. Fyresdal kommune 1992
• NBL-artikkel om Ivar Tveiten