Rogholtvegen
Rogholtvegen på Nordagutu i Sauherad kommune går sørover frå Svevalivegen ved jarnbaneundergangen. Vegen går gjennom eit bustadområde og passerer garden Kleiv (gnr. 16/4) før han fortsett gjennom skog og aude dalføre fram til garden Rogholt (gnr. 14/2) og Rogholttjønna. Vegen har ei kort grein til Vidsjåvegen og ei grein til garden Løvald nedre (gnr. 12/5).
Vegen er om lag 2,8 km lang fram til garden Rogholt som han har fått namn etter. Ved Rogholttjønna finn me Rogholt-tjønn naturreservat. Myra og tjønna blei freda i 1982.
Kjelder
- Kartverket: Norgeskart
- Forskrift om fredning for Rogholt-tjønn naturreservat.