Fitjar kommune

Fra lokalhistoriewiki.no DEV
Hopp til navigering Hopp til søk

Hei på deg! Denne siden heter Fitjar kommune

Fitjar
1222 Fitjar komm.png
Basisdata
Kommunenummer 4615
Fylke Vestland
Kommunesenter Fitjar
Areal 142.44  km²
Areal land 134.46  km²
Areal vann 7.98  km²
Folketall 3 194 (2018)
Målform Nynorsk
Nettside Nettside

Fitjar kommune ligg i Sunnhordland i Vestland fylke (før 1. januar 2020 i Hordaland). Kommunesenteret heter Fitjar. Fitjar vart skild ut som eigen kommune frå Stord 1. januar 1860, samstundes som det vart eige prestegjeld i 1862, og eige lensmannsdistrikt i 1866. Kommunen grensar i vest mot Bømlo kommune, i sør mot Stord kommune, i øst mot Tysnes kommune og i nord mot Austevoll kommune.

Historie

Namnet er fleirtal av norrønt fit, dvs. 'frodig grasmark', særleg ved vatn.

Busetjinga går langt tilbake i tid. Spor av hustufter og buplassar viser at det har budd folk i Fitjar sidan kort tid etter istida. Pollenanalysar tyder på at det vart dyrka korn i Fitjar for ca. 7000 år sidan. Både frå bronsealderen og jarnalderen er det gjort fleire rike funn.

Høvdingane i Fitjar, Fitjung-sonum, er nemnde i Håvamål. Det er fortald om Fitjar i Snorre sine kongesoger, då stormannsgarden Fitjar vart kongsgard etter at Harald Hårfagre hadde samla Noreg til eitt rike i Hafrsfjord. Sonen Håkon den gode vart drepen på Fitjar, i kamp med Eirikssønnene i 961. Fleire kongar har på ulik vis hatt tilknyting til garden. Garden var krongods i fleire hundre år, fram til den vart seld i 1665.

Fitjar kyrkje, som er ei langkyrkje i tre, vart bygd 1867. Framfor kyrkja står ei støtte til minne om Håkon den gode, laga av bilethoggaren Anne Grimdalen. Støtta vart avduka av kong Olav 5 i 1961.

Kommunen har ikkje godkjend våpen, det vert nemnd som kommunemerke av Riksarkivet. Motivet vart utforma av den lokale kunstnaren Magnus Hardeland i slutten av 1940-åra, og syner ein gullhjelm mot blå bakgrunn. Det viser til ei forteljing i Snorre, der det vert fortald at Håkon den Gode bar ein forgylt hjelm på hovudet i slaget på Fitjar 961.

Kjelder og litteratur

  • Simon Steinsbø: Fitjar bygdebok. Utg. Bygdeboknemnda, Fitjar kommune. 1986.

Eksterne lenkjer