Fjord kommune
| Fjord kommune | |
|---|---|
| |
| Basisdata | |
| Kommunenummer | 1578 |
| Fylke | Møre og Romsdal |
| Kommunesenter | Stordal |
| Areal | 1190.58 km² |
| Areal land | 1146.16 km² |
| Areal vatn | 44.42 km² |
| Folketal | 2 642 (2018) |
| Grunnlagt | 2020 |
| Målform | Nynorsk |
| Nettside | Nettside |
Fjord kommune er ein kommune på Sunnmøre i Møre og Romsdal fylke. Kommunen vart etablert 1. januar 2020, då kommunane Stordal og Norddal slo seg samen. Samanslåinga, som vart vedteke i 2017, var ein del av Solberg-regjeringa si kommunereform. Den nye kommunen har om lag 2600 innbyggjarar. Kommunehuset ligg i Stordal, medan helseadministrasjonen har tilhald i Valldal. Fjord kommune grensar til sunnmørskommunane Ålesund i nord, Sykkylven og Stranda i vest; til Skjåk kommune i Gudbrandsdalen i Innlandet fylke i sør; og til romsdalskommunane Rauma i aust og nordaust og Vestnes i nord.
Etter samanslåingsvedtaket vart det utgreidd to moglege grensejusteringar mellom Stranda og nye Fjord kommune. Dette gjaldt Liabygda i Stranda og bygdene Norddal og Norddal i Norddal. Kommunal- og moderniseringsdepartementet vedtok i 2018 at grensene ikkje skal endrast.
Norddal og Stordal var samde om at namnet på den nye kommunen skulle vere Fjord. Språkrådet var kritisk, av di dette var eit ikkje-eksisterende namn i nokon av kommunane. Departementet meinte allikevel at dei lokale ønskja skulle vege tyngst, og godkjende difor vedtaket.
Etter kommunevalet i 2019 vart Eva Hove frå Arbeidarpartiet vald til ordførar.
Kjelder og litteratur
- Fjord kommune (heimeside).
- «Fjord» i Store norske leksikon
- Kommunal rapport: «Avviser protester fra Språkrådet – lager Fjord kommune» (publisert 22. februar 2018).
- NRK Møre og Romsdal: «Hove blir ordfører i Fjord kommune» (publisert 14. september 2019).
- Regjeringa.no: «Vedtar ikke grensejustering mellom Stranda og nye Fjord kommuner» (publisert 2. juli 2018).