Holsdagen
Holsdagen er eit kulturarrangement som går føre seg på Hol bygdemuseum, Hallingdal, kvar sumar i månadsskiftet juli-august. Det var turistsjef Ulf Kløve (fødd 1931) som hadde ideen til dagen som starta i 1957 og allereie fyrste året samla nær 500 deltakarar. Arrangementet startar med gudsteneste i Hol gamle kyrkje. Derifrå går eit brurefølgje langs Holsfjorden og til museet, der ein feirar bryllaup på gamlemåten med dans, musikk, servering av småmat og lefsekling - og ikkje minst øl frå fat. Publikum kan også oppleve skodespel. I kveldinga går brurefølgjet vidare opp Kvislastigningen og til Geilo.
Holsdagen 1959
Brureparet med ølfatet. Foto: Jac Brun/Nasjonalbiblioteket, 1959.
Mor og far til brur eller brudgom? Foto: Jac Brun/Nasjonalbiblioteket, 1959.
"Hott gjestebud trea dagen". Foto: Jac Brun/Nasjonalbiblioteket, 1959.
Kvinner i "døs" (bunad). Foto: Jac Brun/Nasjonalbiblioteket, 1959.
Høgtlesing frå Holsboka. Foto: Jac Brun/Nasjonalbiblioteket, 1959.
Lausdans (halling) med spenning etter hatten som høgdepunktet. Foto: Jac Brun/Nasjonalbiblioteket, 1959.
Folkedans. Foto: Jac Brun/Nasjonalbiblioteket, 1959.
Folkedans. Foto: Jac Brun/Nasjonalbiblioteket, 1959.
Folkedans. Foto: Jac Brun/Nasjonalbiblioteket, 1959.
Folkedans. Foto: Jac Brun/Nasjonalbiblioteket, 1959.
Historisk spel. Foto: Jac Brun/Nasjonalbiblioteket, 1959.
Kjelder og litteratur
- Skogheim, Arne: Den mangfaldige Ulf Kløve. "Trollmann i turisme". Hol historielag, 2012. Digital versjon på Nettbiblioteket.
- Aarstrand, Kjetil (red.): Norsk kulturarv. Veiviseren. Norsk kulturarv, 2001. Digital versjon på Nettbiblioteket.