Skulehistorie i Flora

Vegkart med kommunegrenser 1939

Skulehistorie i Flora skal gi ei oversikt over skulekrinsar, skulehus, skulevegar, statistikk, kjelder og arkiv frå Flora kommune si skulehistorie.

Kinn kommune var ein stor kommune då den vart oppretta i 1837. Den favna om sokna Bru, Kinn og Bremanger. Den store kommunen vart delt ved fleire høve, før den i 1964 på ny vart samla i ein storkommune, Flora kommune. Forutan Bremanger kommune som framleis er eigen kommune.

• I 1860 vart Florø skild ut som ladestad.
• I 1866 vart Bremanger skilt ut som eigen kommune.
• I 1922 vart Kinn kommune delt i tre. Kinn kommune, Bru kommune og Eikefjord kommune.
• I 1964 vart kommunane Florø, Kinn, Bru og Eikefjord slege saman til Flora kommune.

Den første skulelova i det som då var Kinn prestegjeld kom i 1743. Sokneprest Sigvard Brarup leia arbeidet med denne første skulefundasen, og det vart slått fast at kvart sokn, Bremanger, Kinn og Svanøy, skulle ha ein lærar. Foreldra var ofte meir opptekne av at borna skulle jobbe på gardane enn at dei skulle få utdanning, så skuletida vart lagt til perioden etter innhaustinga på hausten (Mikkelsmesse 29. september) og fram til 3. april.

I 1835 vart det i Kinn prestegjeld rapportert at berre 10% av borna kunne skrive og 1% kunne rekne. Det vart sett inn tiltak for å sikre betre framgang, og fem år seinare var resultata på veg opp.

Oversikt over skulekrinsar

Kinn

1861	1895	1901

Florø Ladested

1861	1964
Florø folkeskule	Florø folkeskule

Bru

1861	1895	1901

Eikefjord

1861	1895	1901	1962
	Barlindbotn	Barlindbotn
	Eikefjord	Eikefjord	Eikefjord
	Langedal	Langedal
	Løkkebø	Løkkebø
	Sunnarvik	Sunnarvik
	Svarthumle	Svarthumle
	Tonheim	Tonheim

Kjelder og litteratur

• Eikefjordsoga, Eikefjord.no
• Lothe, Anders A. (1971) Skulesoga i Kinn prestegjeld gjenom hundrad år 1762-1860. Flora sogenemnd. Digital versjon på Nettbiblioteket.
• Stavang, Harald J. (1999) Flora, kulturhistorisk vegvisar.
• Endestad, Odd Asle (2016) Frå fundas i 1743 via bygdeskular og sentralskule, til ny skule i Eikefjorden i 2016.
• Femårsmeldingar for folkeskulen i Kinn (1891-1900)
• Femårsmeldingar for folkeskulen i Florø (1891-1900)

Skulehistorie i Flora er ein del av prosjektet Skulen min - eit kartleggings- og formidlingsprosjekt om skulehistorie i Sogn og Fjordane. Bli med å bidra med fakta eller forteljingar frå din skule og di skuletid! Sogn og Fjordane fylkeskommune og Fylkesarkivet i Sogn og Fjordane står bak prosjektet. Alle sider knytt til prosjektet er tilgjengelege i denne kategorien. Les meir på www.skulenmin.no.