Suldal kommune
| Suldal | |
|---|---|
| |
| Basisdata | |
| Kommunenummer | 1134 |
| Fylke | Rogaland |
| Kommunesenter | Sand |
| Areal | 1736.88 km² |
| Areal land | 1592.16 km² |
| Areal vann | 144.72 km² |
| Folketall | 3 849 (2018) |
| Grunnlagt | 1838 |
| Sammenslåing(er) | 1965 |
| Fradeling(er) | 1842 |
| Nettside | Nettside |
Suldal kommune er ein kommune i Rogaland. Kommunen grensar til Vindafjord kommune, Tysvær kommune, Stavanger kommune og Hjelmeland kommune i Rogaland, Bykle kommune i Agder, Vinje kommune i Vestfold og Telemark, Ullensvang kommune i Vestland, Sauda kommune i Rogaland og Etne kommune i Vestland. Einaste tettstaden i kommunen ifølgje SSB er administrasjonssenteret Sand, med 1167 innbyggjarar per 1. januar 2012.
Kommunen vart oppretta etter formannskapslovene av 1837, og alt i 1842 vart Sauda frådelt. Sidan hadde kommunen uendra grenser fram til 1965, då han vart utvida med Erfjord og Sand kommunar, Imsland kommune sør for Vindafjorden og fastlandsdelen av Jelsa kommune. Kommunen fekk i 1978 dessutan dei delane av gamle Vikedal kommune som også låg sør for Vindafjorden, og sidan då fell fjorden og kommunegrensa saman.
Kommunevåpenet er tre gullfarga bordar på raud bakgrunn, og symboliserar Suldalslågen, som renn gjennom kommunen. Også nabokommunen Sauda har eit kommunevåpen som symboliserar rennande vatn. Navnet kjem anten av sule, som tyder «kløft», eller súla, som tyder «søyle» eller «stolpe», sannsynlegvis nytta om Suldalsporten ved enden av Suldalsvatnet.
Kjelder
- «Suldal» i Store Norske Leksikon.
- Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.
- Statistisk sentralbyrå: Tettsteder. Folkemengde og areal, etter kommune. 1. januar 2012.
|
