Nordmøre
Nordmør (eldre namneform) eller Nordmøre (den vanlegaste namneforma i dag) er eit historisk landskap og ein region i Midt-Noreg. I nyare tid blir Nordmøre vanlegvis definert som dei noverande kommunane Aure, Averøy, Eide, Gjemnes, Kristiansund, Smøla, Sunndal, Surnadal og Tingvoll i Møre og Romsdal samt Rindal og delar av Heim i Trøndelag.
Historisk sett har Nordmøre lege under Frostating lagdømme (til dags dato) og Nidaros bispedømme (til Møre bispedømme vart oppretta i 1982). Frå 1500-talet til i dag har Nordmøre sortert under Trondheims len (til 1662), Trondhjems stiftsamt (til amtssystemet vart avvikla først på 1900-talet. Lokalt har Nordmøre vore eige futedømme (fogderi), og frå 1662 av har landskapet sortert under Romsdals amt, som frå 1689 av har inkludert Sunnmøre òg. Frå 1919 av har nordmørskommunane utgjort dei nordaustlegaste 40 % av Møre fylke, no Møre og Romsdal fylke. Av desse gikk Rindal kommune over til Trøndelag den 1. januar 2019.
Lenkjer
- Fosnaporten.no
- Nordmøre ungdomslag
- Nordmøre spel- og dansarlag
- Nordmøre mållag
- Nordmøre museum
- Nordmøre næringsråd (NNR)
- Kristiansund og Nordmøre turistforening (KNT)
- Nordmøre energigjenvinning
- Nordmøre interkommunale renovasjonsselskap (NIR)
- ORKidé (Ordfører- og Rådmannskollegiet for Nordmøre)
- «Nordmøre» i Store norske leksikon