Snillfjord kommune
Snillfjord (uttale ["sniʎ.ˌfjɷ:ɽ] el. ["sniʎ.ˌfjɷ:ɾ]), oftast kalla Snillfjorden (uttale ["sniʎ.ˌfjɷ:’ṇ] (nominativ/akkusativ), ["sniʎ.ˌfjɷ:ɽa] (dativ)) er ein tidligare kommune i det tidlegare Fosen futedømme i Trøndelag fylke. Kommunen grensa til Agdenes i nordaust, til Orkdal i søraust og til Hemne i vest; og på nordsida av Trondheimsleia grensa Snillfjord til Hitra. Snillfjord var opprinnelig del av Hemne kommune, men vart utskilt som eigen kommune i 1923. I 1964 vart den austlige delen av Heim kommune og ein del av Agdenes lagt til Snillfjord. Kommunen vart oppløyst den 1. januar 2020, da Ytre Snillfjord vart lagt til nye Heim kommune, Sundan (Sunde) vart lagt til Hitra kommune, og Krokstadøra inkludert Vuttudalen, vart lagt til nye Orkland kommune.
| Snillfjord | |
|---|---|
| |
| Basisdata | |
| Kommunenummer | 1613 |
| Fylke | Trøndelag |
| Kommunesenter | Krokstadøra |
| Areal | 0 km² |
| Areal land | 0 km² |
| Areal vann | 0 km² |
| Folketall | (2018) |
| Grunnlagt | 1923 |
| Målform | nøytral |
| Nettside | Nettside |
Geografi
Snillfjord dannar overgangen frå innlandet til kysten og det opne havet med sine fjell, fjordar og lange strandliner. Kommunen er populær som feriestad med gode muligheiter for jakt, fiske og friluftsliv.
Jordbruksareal i drift utgjer 13,5 km², eller 2,8 % av totalt areal [1]. Produktivt skogareal utgjer 90,5 km², som svarar 18,8 % av totalt areal. 16 km² av totalarealet i kommunen er ferskvatn.
Kommunen var delt opp av fleire fjordar og fjell — noko som førte med seg store avstandar mellom småstadene, men som gjev mange naturskjønne område òg. Snillfjord har ein sterkt desentralisert struktur; tettstadene Sunde, Krokstadøra og Ytre Snillfjord er nokolunde jamstore. Krokstadøra er definert som sentrum i kommunen, med avstand på kring 35 km både til Ytre Snillfjord og til Sunde. Avstanden frå Krokstadøra til Trondheim er 75 km.
Den norske kyrkja
Snillfjord var ein del av Hemne prestegjeld og har vore eige sokn sidan sist i 1890-åra. Fram til den tida sokna folk i Snillfjorden til hovudkyrkja i Hemne, og frå 1884 dels til kyrkja i Heim. I 1898 vart det bygd eiga kyrkje her, og ho vart innvigd den 27. september 1899. På den tida vart òg Snillfjord utskilt som eige sokn.
Kommunevåpen
Snillfjords kommunevåpen var eit greip i sølv på grøn botn og symboliserte handverks-, sjø- og landbrukstradisjonar. Bakgrunnen for dette valet var at greipet i tidligare tider var bruka både i tradisjonelt landbruk og til hausting av tang og tare, og dessutan viser det til dei gode handverkstradisjonane i kommunen. Greip vart i tidligare tider laga av trevirke.
Kommunevåpenet vart laga etter ein idékonkurranse, og det valte kommunevåpenet er laga etter ein idé av Jim Bye frå Hallset ved Trondheim og bearbeidd etter heraldiske kriterium av Einar Skjervold frå Trondheim. Våpenet vart godkjent i kommunestyret i 1990, og vidare i Kommunaldepartementet den 17. september same året og endeleg stadfesta av Fylkesmannen i Sør-Trøndelag i skriv av 19. september 1990.
Kjente snillfjordingar
- Oddmund Hagen, forfattar
- Terje Krokstad, skiskyttar
- Martin Stokken (1923–1984), skiløpar
- Jon Reidar Øyan, forkjempar for rettigheiter for homofile
- Leidulf Hafsmo, artist og lyrikar
Referansar
- ↑ tall fra 2008
Kjelder
- Kommunefakta (Sør-Trøndelag) - frå Statistisk sentralbyrå
- «Snillfjord» i Norsk Allkunnebok - X. bandet, Oslo 1964.
- Snillfjord kommune sine heimesider
- Snillfjord på Wikipedia på bokmål og riksmål
- Snillfjord på Wikipedia på nynorsk