Førde krins (Breim)

Kartutsnitt frå Fylkesatlas

Foto: Sogn og Fjordane fylkeskommune/Fylkesmannen i Sogn og Fjordane

Førde krins høyrde til gamle Breim kommune fram til 1964, då vart grenda flytta til Jølster kommune. Førde krins ligg inst i Breimsvatnet. Krinsen finn vi tilbake til 1860 og delte ofte ein lærarpost med Årdal. I 1910 var det berre tre elevar på skulen og krinsen vart nedlagd, elevane måtte då reise på skule i Årdal krins (Breim). Først i 1924 vart skulen teken opp att, og då med berre fire elevar. I 1948 godkjende skuledirektøren 16 veker skule i Førde krins, men gjorde merksam på at skulen ikkje kunne halde fram om ikkje barnetalet auka. Skulen heldt fram til 1965, då vart den slegen saman med Skei krins i Jølster kommune.

Lærarar

Etternamn	Fornamn	Fødd	Skule	Tilsett år	Slutta år	Utdanning frå	Merknad
Raad	Rasmus		Årdal og Nesstrand (omgangsskule)	1743
Mardal	Anders Kristenson	1784	Nessestrand, Årdal og Førde (omgangskule)	Truleg 1801			Klokkar og skulehaldar i 40 år. Drukna i Breimsvatnet ved Årdalsstranda 1841.
Førde	Krispinus		Høygardane skule, Årdal skule, Førde skule	1867	1879
Hole	Nils R.		Årdal skule, Førde skule	1879	1886
Aasebø	Erik A.		Høygardaneskule, Årdal skule, Førde skule	1886
Henden	Gudbrand		Årdal skule, Førde skule		1894
Bjørkelo	Nils		Gåsemyr skule, Teita skule, Førde skule	1899	1910
Myklebust	Kristi		Førde skule				Hadde halv lærarpost i Førde og halv post som handarbeidslærar under krigen
Egge	Sigurd		Bergheim skule, Førde skule	1952	1956
Bogstad	Einar		Førde skule				Siste læraren i Førde krins

Kjelder og litteratur

• Sandal, Per (1978) Soga om Gloppen og Breim, band 1. Sandane.
• Sandal, Per (1979) Soga om Gloppen og Breim, band 2. Sandane.
• Femårsmeldingar om folkeskulen 1891-1895, 1896-1900 og 1901-1905
• Skriftnemnda (1989) Skulane i Breim 1739-1989.