Nord-Gudbrandsdalen

Nord-Gudbrandsdalen (eller lokalt berre Norddalen) er ei nemning med fleire tydingar, der to er mest brukt: øvre delen av hovuddalføret i Gudbrandsdalen, med kommunane Lesja og Dovre, eller alle kommunane ovafor Nord-Fron, der også Sel, Vågå, Lom og Skjåk inngår. Desse blir òg rekna å høyre til Ottadalen (rett nok berre ein del av Sel).

Norddalen vart eige futedømme ved frådeling frå Gudbrandsdal futedømme i 1860. Da var òg Nord- og Sør-Fron inkludert, men Sør-Fron vart snart overført til Sørdalen.

Norddalen var truleg eige sorenskriveri frå det embetet vart oppretta sist på 1500-talet. Dette omfatta tinglaga i Lesja, Vågå, Lom og Fron. Frå 1699 til 1731 var dei to sorenskriveria i dalen samanslege.

Kjelde

• Katalog over sorenskriverier i Gudbrandsdalen på Statsarkivet i Hamar, dat. 17.3.1989.