Rennarband
Rennarband er jarnstenger med glatt underside og oppbøygd tupp med hol til feste av «taumar» til å styre med. Når ein renner på rennarband — helst i nedtrakka eller nedkjørt snø, så står ein på banda og held i taumane for støtte og styring. Rennarband har vore i bruk i Dalarna, i Trøndelag og på Nordmøre, og elles her og der kring kystbyane sørover til Kragerø. I Dalarna og på Steinkjer og i Sparbu har det gjerne vore rent på eitt band med taum; andre stader har ein oftast bruka to. Rennarband var mest bruka frå kring 1870 og litt inn på 1900-talet. I Kristiansund fikk dei ein oppsving att under oljekrisa i 1973.
Rennarbanda er i slekt med kässjor — to korte treski med taum framme. Kässjor har tradisjonelt vore bruka i Dalarna og Hälsingland.
Kjelder og lenkjer
- Dybdahl, Audun: Fra stav til stasvogn : landveis fremkomst- og transportmidler på Innherred (1990)
- Rosander, Göran: Om sparkstøttonger (1986)
- «Rennarband» på Digitalt Museum